Լեհաստանի արտաքին գործերի նախարարությունը միացել է Գերմանիային, Չեխիային և այլ երկրներին՝ դատապարտելով ռուսական APT28 խմբավորման կողմից ենթադրյալ կիբերհարձակումները։ Վարշավան հայտարարել է, որ ինքը ևս այդ հարձակումների թիրախ է եղել:
«Հաշվի առնելով կիբերսպառնալիքների շարունակական աճը՝ Լեհաստանը հավատարիմ է ազգային կարևորագույն ենթակառուցվածքների պաշտպանությանը, ճկունության կառուցմանը և կիբերպաշտպանության ամրապնդմանը», - ասված է հաղորդագրության մեջ։
Բեռլինը և Պրահան մայիսի 3-ին Ռուսաստանին մեղադրեցին իրենց պաշտպանական և օդատիեզերական արդյունաբերության և քաղաքական կուսակցությունների վրա կիբերհարձակումներ իրականացնելու մեջ: Ռուսաստանը հերքել է իր առնչությունը։
