Երևանի քաղաքապետարանը թույլատրեց ընդդիմադիր երկու ուժերի՝ Հայ ազգային կոնգրեսին և «Նոր Հայաստան»-ին, մարտի 1-ին միաժամանակ հանրահավաք անցկացնել Ազատության հրապարակում:
Ավելի վաղ իրազեկում ներկայացրած Կոնգրեսի դիմումը քաղաքային իշխանությունները բավարարեցին ամբողջությամբ՝ արտոնելով հանրահավաքը և երթը, իսկ «Նոր Հայաստան»-ինը՝ մասամբ․ Ժիրայր Սեֆիլյանի և Րաֆֆի Հովհաննիսյանի գլխավորած ուժին արգելվել է վրանների տեղադրումն ու շուրջօրյա հավաքը:
«Նոր Հայաստան»-ն այս օրերին բանակցում է Լևոն Տեր-Պետրոսյանի ղեկավարած Հայ ազգային կոնգրեսի և ընդդիմադիր այլ ուժերի հետ՝ մարտի 1-ին միասնական հանրահավաք անցկացնելու օրակարգով։
